Ichtus í Livdini – eitt kvøld við góðum minnum
Ein av teimum føroysku gospelbólkunum, sum mong minnast við gleði, kemur nú aftur á pall.
Leygarkvøldið 4. oktober kl. 20.00 verður konsert við bólkinum Ichtus í Livdini í Hoyvík – har Rúni Højgaard og Rita Syderbø eru tær leiðandi røddirnar í bólkinum. Ichtus fer eisini at hava nakrar gesta sangara við sær á pallini sum fara at framføra sangir frá útgávionum Gospeltónar sum Ictus eisini var partur av.
Ichtus setti síni spor í føroyskum andaligum tónleiki við sangum, sum hava fylgt nógvum gjøgnum árini. Við fløguni frá 1989 og sangum sum “Minnist tú”, “Tú stóð eftir her”, “Summar er liðið” og “Ger meg til signing” setti bólkurin síni spor í føroyskum andaligum tónleiki.
Við sínum eyðkenda gospel-ljóði og inniliga boðskapi bjóðar Ichtus til eina konsertuppliving, har hjartað er við frá fyrsta tóna. Hetta er ikki bara ein konsert – hetta er eitt høvi at minnast, syngja við og uppliva ein týðandi part av tí føroyska gospeltónleikinum.
Prísur í forsølu: 235 kr + 15 kr í avgreiðslugjaldi.
Prísur við hurðina 350 kr
235,00 kr.
