Salmer på Pøbb byrjaði í Noregi í 2022 við einari einfaldari hugsan: at lata kendar sálmar møta einum livandi bólki og einum óformligum konsertumhvørvi. Síðani hevur konseptið ferðast um Noreg og fylt pøbbir, klubbar og konserthús. Bara í 2024 vóru fleiri enn 40 konsertir útseldar.
Her er rúm fyri bæði teimum, sum hava kent sálmarnar alt lívið, og teimum, sum hoyra teir av nýggjum. Hvørt sálmarnir eru gamlir kenningar ella nýggir fyri tær, kanst tú syngja við, lurta ella bara njóta løtuna. Tað snýr seg um tónleik, orð og felagsskap – og um at vera til staðar á tann hátt, sum kennist natúrligur fyri teg.
Á pallinum standa Lewi Bergrud við sangi og gittara, Thor-Erik Fjellvang á klaveri og keyboardi, Espen Tappel á gittara og Karl Oluf Wennerberg á trummum. Tilsamans hava teir spælt við nøvnum sum a-ha, Morten Harket, Maria Mena, Sigvart Dagsland og Adam Douglas. Teirra royndir og samspæl geva kendu sálmunum nýggjan dám – frá stillum og nærum løtum til sterkari og meira livandi tulkingar.
Í norskari pressu er serliga lagt merki til, hvussu tónleikurin røkkur út til ymisk fólk, og hvussu kendu sálmarnir fáa nýtt lív:
«Salmer på pøbb har treft ein nerve i det norske musikklandskapet (…) bare smil og glede å sjå blant publikum!»
– NRK
«Det er intimt, nedskalert og veldig lavterskel.»
– Vårt Land
Selve salmerepertoaret er kjent og kjært når «Salmer på Pøbb» spiller. Men tolkningene har du aldri hørt før.
– Sarpsborg Arbeiderblad
Leygarkvøldið 13. mars 2027 klokkan 21 koma Salmer på Pøbb á pall í Lívdini. Hetta verður eitt konsertkvøld fyri teg, sum kennir sálmarnar væl – og fyri teg, sum er forvitin eftir at hoyra, hvussu teir kunnu ljóða, tá royndir tónleikarar geva teimum ein nýggjan ham.
299,00 kr.
